નગર પ્રાથમિક શિક્ષણ સમિતિ,સુરત અને જિલ્લાશિક્ષણાધિકારીશ્રીની કચેરી,સુરત ના સંયુકત ઉપક્રમે  આયોજીત ધો-1 અને ધો-9 ના પ્રવેશોત્સવ કાર્યક્રમનું સ્થળ શ્રીમતી આઈ. એન. ટેકરાવાળા હાઈસ્કુલમાં આયોજન કરવામાં આવ્યું હતું. 

          નગર પ્રાથમિક શિક્ષણ સમિતિ સંચાલિત શાળાઓ - ધૂમકેતુ પ્રાથમિક શાળા(શાળા ક્રમાંક :218 ) અને - ર્ડો..સર્વપ્લ્લી રાધાકૃષ્ણન પ્રાથમિક શાળા (શાળા ક્રમાંક : 84 ) નાં આચાર્યશ્રી, શિક્ષકશ્રીઓ અને 150 વિધાર્થીઓ,વાલીઓ તેમજ ટેકરાવાળા શાળાના આચાર્યશ્રી, શિક્ષકશ્રીઓ અને 290 વિધાર્થીઓ ,વાલીઓ, તેમ જ બી.ડી.દેસાઈ બાળમંદિર,પી.બી.દેસાઈ પ્રાથમિક શાળા અને એચ.એમ.બી. સરદાર હાઈસ્કુલના આચાર્યશ્રી,શિક્ષકશ્રીઓ ઉપસ્થિત રહ્યા હતા.

           આ કાર્યક્રમ દરમ્યાન નગર પ્રાથમિક શિક્ષણ સમિતિની શાળાઓ ( શાળા ક્રમાંક 84  અને શાળા ક્ર્માંક 218) ના વિધાર્થીઓ દ્વ્રારા સાંસ્કૃતિક કાર્યક્રમ રજૂ કરાયો હતો અને ટેકરાવાળા શાળાની વિધાર્થીનીઓ ધ્રુવી દેસાઈ અને  પ્રેક્ષા પટેલે બેટી બચાવો વિષય પર પોતાનું વકતવ્ય રજૂ કર્યું હતું. તેમજ શાળાની વિધાર્થીનીઓ બંસરી પટેલ અને જીનલ પટેલ દ્વારા ગુજરાત  રાજ્ય અને ગુજરાતી ભાષાની અસ્મિતાને ઉજાગર કરતું  સુંદર ગીત રજૂ કરવામાં આવ્યું હતું.

           ટેકરાવાળા શાળાના ધો-9ના 290 વિદ્યાર્થીઓને આચાર્યશ્રી જ્યોતિરભાઇ પંડ્યા અને ટ્રસ્ટીશ્રી જગદીશભાઇ ટેકરાવાળાના હસ્તે પ્રવેશોત્સવ નિમિત્તે પુસ્તકોનું વિતરણ કરવામાં આવ્યું હતું.